Paseos

A medio camiño entre a audioguía, a antropoloxía e o teatro, os paseos artísticos son roteiros audiovisuais que nos convidan a coñecer un lugar a través das historias e emocións das persoas que o habitan.

Para crear os nosos paseos, partimos do material sonoro recadado en traballo de campo: Entrevistas e testemuñas que fan referencia á historia do lugar, ás persoas que transitaron nel, á memoria histórica, a cuestións arquitectónicas e filosóficas…

O arquivo de son é accesible ao público mediante descarga ou entrega de reprodutores mp3, e o roteiro comeza!

Unindo realidade e ficción, os audiopaseos e videopaseos son pezas de arte urbana invisíbel, realidade aumentada caseira, películas dirixidas polo público.

Unha experiencia emocional e estética únicas que mestura o presente de quen escoita, co pasado que nós lle propoñemos.

Esto, unido a un deseño sonoro de alta calidade, fai que nos transportemos a outra realidade, que tamén é nosa.